انا عارفه ان الموضوع متكررفي قسم الشباب كمان بس عايزه الكل يجاوب كلي وبذلك
قررت اكون جريئة واسال سوال كان شاغلنى بقاله كتير….

ايوة بجد يعنى ايه حب؟؟؟

يعنى ايه انا احب واحد يفهمنى وافهمه؟

يعنى ايه احب واحد يحسنى واحسه؟

يعنى ايه احب واحد ميملش منى ابدا ولا يزهق؟؟

يعنى ايه احب واحد يحبنى اكتر مانا بحبه…واحس انى بحبه اكتر ما بيحبنى؟

اصلا يعنى عرفنا كلمة حب دى منين؟؟؟

انا عن نفسى هتكلم عن نفسى بما انى بتكلم بنفسى

انا عرفت كلمة حب دى من الاغانى والافلام

يعنى الافلام والاغانى القديمة بالذات عشان فيها احساس….لما البطلة الغنية تحب البطل الفقير….ويفضلوا طول الفيلم فى صراع وبيدافعوا عن حبهم…وفى اخر الفيلم بتختفى الصراعات فجاة لما ابو البطلة يقتنع اخيراااا …."" ان السعادة ليست فى المال بل هى فى الحب""…

دايما كنت بسال نفسى هو دا الحب فعلا؟؟؟

والاجابة فى الوواقع كانت بتبقى ايوة….

لما كنت فى ثانوى كانوا زمايلى بيجوا يحكولى انهم بيحبوا وكدا….ويقعدوا يحكوا الكلام اللى بيقولوه لبعض…

كنت بحس انه فى حاجة ناقصة….اصل الحب لو كدا يبقا بايخ…

ليه يبقا كلة عذاب ….وليه يبقا كله عسل؟؟؟

هوة مفيش وسط؟؟

عشان كدا كنت مقتنعه تماما انى عمرى ماهاحب…عشان انا مشاعرى موش واحدة كدا…

وعشان بخاف من عذاب الافلام….وعسل الواقع…..

وعشان مجربتش احب من طرفين….



بردووووو….نررررجع لسوالنا..

يعنى ايه حب؟؟؟

يعنى ايه حب صادق ميكونش بيعبر عن العذاب المطلق او العسل المطلق؟؟

اصل العذاب بيحسس الانسان بالملل والتعب والارهاق ازاى يبقا حب وهو كدا؟؟؟

والعسل حاجة حلوة …بس كترها ""بيجذع النفس"" ازاى يبقا حب وهو كدا؟؟؟

طيب…..

انا ممكن اقول …..

لما افهمه اوى لدرجة انى افهمه من عنيه…يبقا بحبه

لما احترمة اوى لدرجة انى مستحملش كلمة عليه…يبقا بحبه

لما يقولى كلمة وافهمها من غير ما اقوله ليه….يبقا بحبه

مش استسلام…


بس احترام…

لما اصبر على مواقفه الصعبه…واقف جنبه….يبقا بحبه

لما احس انى انا وهو روح واحدة …يبقا بحبه

لما يبعد عنى ….ويوحشنى اوىىىى….يبقا بحبه

لما يزعلنى …وابكى….يبقا بحبه

لما يحسسنى انى اغلى حاجة عنده فى الدنيا كلها….



يبقا اكيد …اكيد …اكيد….بحبه



ولما احبه…..يبقا اكيد… اكيد… اكيد …بيحبنى

انتو بقي قولوا يعني ايه حب بس بكلمه واحده فقط
:bnt152: